17 نومبر ، 2019 
پاکستان
نواز شریف سے متعلق عدالتی فیصلے کا جائزہ لیا جائے، وزیراعظم کی قانونی ٹیم کو ہدایت
17 نومبر ، 2019
وزیراعظم عمران خان نے اپنی قانونی ٹیم کو نواز شریف سے متعلق لاہور ہائی کورٹ کے تفصیلی فیصلے کا جائزہ لینے کی ہدایت کی ہے۔
ذرائع کے مطابق وزیراعظم عمران خان نے حکومتی قانونی ٹیم سے رابطہ کر کے نواز شریف سے متعلق لاہور ہائی کورٹ کے تفصیلی فیصلے کا جائزہ لینے کی ہدایت کی ہے۔
ذرائع کا بتانا ہے وزیراعظم عمران خان نے قانونی ٹیم کو ہدایت کی ہے کہ عدالتی فیصلے کا جائزہ لے کر کابینہ میں رپورٹ پیش کرے۔
ذرائع کا کہنا ہے کہ فیصلے سے متعلق حکومتی لائحہ عمل کابینہ اجلاس میں طے کیا جائے گا۔
خیال رہے کہ لاہور ہائی کورٹ نے گزشتہ روز سابق وزیراعظم نواز شریف کو علاج کی غرض سے 4 ہفتوں کے لیے بیرون ملک جانے کی اجازت دی تھی۔
