Can't connect right now! retry

پاکستان
18 نومبر ، 2019

گٹکا بنانے اور فروخت کرنے والوں کیلئے سزا سے متعلق فوری قانون سازی کا حکم

فوٹو: فائل

عدالت نے حکومت سندھ کو گٹکا بنانے اور فروخت کرنے والوں کے لیے سزا سے متعلق فوری قانون بنانے کا حکم دیا ہے۔

گٹکے کی تیاری اور خرید و فروخت پر پابندی سے متعلق درخواست پر سماعت سندھ ہائی کورٹ میں ہوئی۔ سیکریٹری صحت اور دیگر فریقین عدالت میں پیش ہوئے۔

عدالت نے گٹکا بنانے اور فروخت کرنے والوں کے خلاف کارروائی جاری رکھنے کا حکم دیتے ہوئے کہا کہ گٹکا بنانے اور فروخت کرنے والوں کے لیے سزا سے متعلق فوری قانون بنایا جائے۔

سندھ حکومت کے نمائندوں کی جانب سے عدالت میں بتایا گیا کہ قانون بنانے کے لیے سمری آگے بھیج دی ہے لہذا مہلت دی جائے۔

عدالت نے سزا سے متعلق قانون سازی کے لیے سندھ حکومت کو 10 دسمبر تک مہلت دے دی۔

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM