مہنگائی کا فائدہ بھی اپنوں کو ہو رہا ہے: وفاقی وزیر علی امین کی انوکھی منطق
23 نومبر ، 2019
وفاقی وزیر برائے کشمیر امور علی امین گنڈا پور نے ملک میں مہنگائی کے حوالے سے انوکھی منطق پیش کرتے ہوئے کہا ہے کہ اگر ملک میں مہنگائی ہے تو اس کا فائدہ بھی تو اپنے ہی لوگوں کو ہو رہا ہے۔
علی امین گنڈاپور کا میڈیا سے بات کرتے ہوئے کہا کہ ملک اپوزیشن والے کہتے ہیں کہ تیل مہنگا ہو رہا ہے، ڈیزل مہنگا ہو رہا ہے، بجلی مہنگی ہو رہی ہے، مہنگائی ہو رہی ہے، یہ سب اِن کے لیے ہوئے قرضوں کی وجہ سے ہے۔
انہوں نے مزید کہا کہ ملک میں مہنگائی کی وجہ سے جن کو فائدہ ہو رہا ہے وہ بھی ہمارے ہی بھائی ہیں۔
وفاقی وزیر کا کہنا تھا پچھلے سال ملک میں آلو 5 روپے فی کلو تک ہو گئے تھے، آلو سستے ہونے سے ہمارے کسانوں کو کتنا بڑا نقصان ہوا۔
ملک میں ٹماٹروں کی بڑھتی قیمت کے حوالے سے علی امین گنڈا پور نے انوکھی منطق پیش کرتے ہوئے کہا کہ ٹماٹر اگانے والے بھی ہمارے ہی کسان ہیں۔
وفاقی وزیر علی امین گنڈاپور نے یہ بھی کہا کہ اگلے برس جون تک مہگائی پر قابو پا لیں گے۔
