Can't connect right now! retry

پاکستان
02 دسمبر ، 2019

تحریک انصاف کے سینیئر رہنما نے کرپشن میں اضافے کا اعتراف کرلیا

پاکستان تحریک انصاف (پی ٹی آئی) شمالی پنجاب کے جنرل سیکریٹری ڈاکٹر حسن مسعود ملک نے  صوبے میں کرپشن میں اضافے کا اعتراف کرلیا۔

پاکستان تحریک انصاف ملک میں کرپشن میں خاتمے کا دعویٰ کرتی رہی ہے لیکن اب خود ان کی جماعت کے سینیئر رہنما نے پارٹی کے برسراقتدار آنے کے بعد ملک کے سب سے بڑے صوبے پنجاب میں کرپشن میں اضافے کا اعتراف کیا ہے۔ 

پی ٹی آئی شمالی پنجاب کے جنرل سیکریٹری ڈاکٹر حسن مسعود ملک کی کارکنوں سے خطاب کی وڈیو سامنے آئی ہے جس میں انہوں نے کہا ہے کہ یہ بات سب کو پتہ ہے کہ اس دور میں پٹواریوں کے ریٹ دگنے ہوگئے ہیں۔

پی ٹی آئی عہدیدار نے کرپشن میں اضافے کے ساتھ ساتھ اپنے خطاب میں کارکنوں کو کام نہ کرنے والے افسران کے خلاف اکسانے کی بھی کوشش کی۔

انہوں نے کہا کہ جو افسر کام نہ کرے اس کے پاس کارکنوں کو لے کر جائیں، اس افسر کی ’ایسی کی تیسی‘۔

یاد رہے کہ وزیراعظم عمران خان اپنی تقاریر میں پچھلی حکومتوں پر کرپشن کا الزام لگاتے ہیں اور اس حوالے سے ایک کمیشن بھی بنایا گیا ہے جو 2008 سے 2018 تک لیے گئے قرضوں سے متعلق تحقیقات کررہا ہے۔ 

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM