07 دسمبر ، 2019
امریکی ریاست فلوریڈا کی ایک آرٹ گیلری میں ’دیوار پر ٹیپ سے چپکا کیلا‘ سب کی توجہ کا مرکز بن گیا۔
یہ فن پارہ ایک اطالوی کامیڈین و آرٹسٹ ماریزیو کیٹیلان کا تھا جو میامی آرٹ بیزل میں ایک لاکھ 20 ہزار امریکی ڈالرز میں فروخت ہوا۔
آرٹسٹ ماریزیو کی یہ کلیکشن 3 ایڈیشنز پر مشتمل تھی جس میں سے 2 ایڈیشن فروخت ہو چکے ہیں جب کہ اس ایڈیشن کا ایک پیس بچا ہوا ہے، اور یہ پیس 1 لاکھ 50 ہزار ڈالرز میں فروخت ہونے کی توقع کی جا رہی ہے۔
آرٹ بیزل کے بانی ایمانیول پیروٹن کا اس پیس (دیوار پر ٹیپ سے چپکے ہوئے کیلے) کے حوالے سے کہنا تھا کہ ’اس پیس کا مطلب یہ ہے کہ یہ دیکھنے والوں کو بتاتا ہے کہ کیسے چیزیں دنیا کے گرد گھومتی ہیں۔‘