2019 میں کاروباری دنیا سے جُڑنے والی پاکستانی اداکارائیں

رواں سال کئی شوبز ستاروں نے سلور  اسکرین پر  پہلی مرتبہ قدم رکھے  تو کسی نے خود فلم بنانے کی ٹھان لی جب کہ انڈسٹری کی چند ادکاراؤں نے اپنا کاروبار بھی شروع کیا۔

2019 میں کئی پاکستانی اداکاراؤں نے انڈسٹری میں بہترین اداکاری کر کے اپنا لوہا منوانے کے ساتھ ساتھ کاروباری میدان میں بھی قدم جمانے کی  بھرپور کوشش کی۔

آج ہم آپ کو اسی حوالے سے بتانے والے ہیں کہ اس سال پاکستان شوبز انڈسٹری کی کن کن اداکاراؤں نے کاروباری دنیا میں قدم رکھا۔

رواں سال شوبز ستاروں نے ان برانڈز کی بنیاد رکھیں۔

1. UxM 

سوشل میڈیا پر سب کی توجہ کا مرکز  بننے والی بہنوں کی جوڑی اداکارہ عروہ اور ماورا نے کپڑوں کی برانڈ متعارف کرائی۔

دونوں بہنوں کی برانڈ میں مغربی طرز کے لباس اور اینٹیک جیولری فروخت کی جاتی ہے، عروہ اور ماورا کی اس برانڈ سے فی الحال صارفین آن لائن شاپنگ کر سکتے ہیں۔

2. A&M Closet

بہت ہی کم عمر میں شہرت کی بلندیوں کو چھونے والی مقبول ترین جڑواں بہنوں کی جوڑی اداکارہ ایمن اور منال نے بےشمار ڈراموں میں اداکاری کر کے انڈسٹری میں نام بنایا۔

اداکارہ عروہ اور ماورا کی طرح مقبول جڑواں بہنوں کی جوڑی اداکارہ ایمن منیب ا ور منال خان نے بھی رواں سال اپنی کپڑوں کی برانڈ متعارف کرا کر کاروباری دنیا میں قدم رکھا۔

دونوں بہنوں کی کپڑوں کی برانڈ مشرقی لباس پر مبنی ہے اور ان کی برانڈ سے بھی صارفین  فی الحال آن لائن خریداری کر سکتے ہیں۔

3. NYC

پاکستان کی معروف مارننگ شو ہوسٹ ندا یاسر  نے بھی 2019 میں سوشل میڈیا پر  اپنی کپڑوں کی برانڈ ’Nida Yasir Collection‘ جلد متعارف کرنے کا اعلان کیا ہے۔

4. Areeba Habib Clothing 

شوبز انڈسٹری کی خوبرو اداکارہ اور ماڈل عریبہ حبیب نے بھی رواں سال اپنی کپڑوں کی برانڈ متعارف کرائی۔

5. Omal By Komal

ڈرامہ انڈسٹری کی دنیا میں حال ہی میں قدم رکھنے والی اداکارہ کومل عزیز  نے 2019 میں اپنی کپڑوں کی برانڈ ’Omal By Komal‘ متعارف کرائی جس میں مغربی اور مشرقی دونوں ہی طرز کے لباس شامل ہیں۔

اداکارہ کی برانڈ کے کپڑوں کی قیمتیں بھی مناسب رکھی گئی ہیں تاکہ اسے ہر کوئی خرید سکے۔