لاہور میں شادی کی رات دلہن جاں بحق، دولہا بے ہوش
30 دسمبر ، 2019
لاہور میں شادی کی پہلی رات کمرےمیں انگیٹھی کا دھواں بھر جانے سے دلہن ہلاک جبکہ دلہا بے ہوش ہو گیا۔
پولیس کے مطابق یہ واقعہ لاہورکے علاقے فیکٹری ایریا کی شمع کالونی میں پیش آیا، جہاں گزشتہ روز وسیم نامی شخص کی شادی 32 سالہ سویرا سے ہوئی ۔
شادی کی رات شدیدسردی سے بچنے کے لئے دلہا دلہن کے کمرے میں انگیٹھی جلائی گئی ،صبح گھروالوں نے دیکھا کہ کمرے میں دھواں بھرجانے سے دلہن ہلاک جبکہ دلہا بےہوش پڑا ہے۔
دلہاوسیم کواسپتال منتقل کر دیا گیا،جہاں اس کی حالت تشویشناک بتائی گئی ہے۔
پولیس نےدلہن کی لاش پوسٹ مارٹم کے لئے بھجوا کر مختلف پہلوؤں پر تحقیقات شروع کر دی ۔
