’شیخ رشید میرے بہنوئی ہیں‘

ٹک ٹاک سے شہرت حاصل کرنے والی حریم شاہ کا کہنا ہے وفاقی وزیر ریلوے شیخ رشید میرے بہنوئی ہیں۔

حریم شاہ کا ایک انٹرویو میں کہنا تھا کہ شیخ رشید سے ہمارا فیملی تعلق ہے، وہ میرے بہنوئی ہوئے کیونکہ میری دوست ان کے ساتھ نکاح میں ہے۔

ٹک ٹاک اسٹار حریم شاہ نے کہا  کہ جو باتیں بھی میں نے کی ہیں اگر وہ جھوٹی ہیں تو  شیخ رشید میرے سامنے آئیں اور قرآن پاک پر ہاتھ رکھ کے حلفاً تردید کریں۔

حریم شاہ کا انٹرویو میں مزید کہنا تھا کہ جنہوں نے میرے ساتھ ویڈیوز بنائی ہیں میں ان کا ہاتھ پکڑ کے انہیں موبائل فون کے پاس نہیں لائی کہ پلیز میرے ساتھ ویڈیوز بنائیں، جنہوں نے مجھ سے فون کالز پر بات کی ہے، میں نے انہیں اپنے نمبر نہیں دیئے کہ مجھ سے فون پر بات کریں۔

حریم نے کہا کہ مجھے اگر کسی سے کوئی مسئلہ ہو گا چاہے وہ کوئی مشیر ہی کیوں نا ہو تو میرے پاس اتنی ہمت ہے کہ میں خود ان کے سامنے آکر بات کروں گی۔

گزشتہ دنوں سوشل میڈیا پر حریم شاہ کی شیخ رشید کے ساتھ کال پر بات کرتے ہوئے ویڈیو نھی خوب وائرل ہوئی تھی۔

اسی حوالے سے حریم شاہ نے اپنے ٹوئٹر اکاؤنٹ پر چند ویڈیوز بھی شیئر کیں جس میں وہ کہہ رہی ہیں کہ شیخ رشید کے ساتھ کال پر بات کرنے والی ویڈیو اصل ہے، وہ بات چیت کر رہے تھے اور ہم نے کال ریکارڈ کر لی کیوں کہ کل کو کوئی بھی مسئلہ بن سکتا ہے۔