01 جنوری ، 2020 
پاکستان
جسٹس مامون الرشید نے نئے چیف جسٹس لاہور ہائیکورٹ کا حلف اٹھالیا
01 جنوری ، 2020
لاہور: جسٹس مامون الرشید شیخ نے نئے چیف جسٹس لاہورہائی کورٹ کا حلف اٹھا لیا۔
گورنر ہاؤس میںچیف جسٹس لاہورہائیکورٹ کی حلف برداری کی تقریب ہوئی جس میں وزیراعلیٰ پنجاب عثمان بزدار اور اسپیکرپرویزالہیٰ سمیت دیگر شخصیات نے شرکت کی۔
گورنر پنجاب چوہدری محمد سرور نے جسٹس مامون رشید سےحلف لیا جب کہ جسٹس مامون رشید شیخ نے لاہور ہائی کورٹ کے 49 ویں چیف جسٹس کی حیثیت سے حلف اٹھایا۔
دوسری جانب چیف جسٹس لاہور ہائیکورٹ مامون رشید سے حلف برداری کی تقریب کے بعد وزیراعلیٰ پنجاب عثمان بزدار، گورنر چوہدری سرور اور اسپیکر پرویز الٰہی نے ملاقات کی اور انہیں مبارکباد دی۔
