کراچی: 8 سالہ بچے کو اغوا کر کے آنکھوں میں ایلفی ڈال دی گئی
06 جنوری ، 2020
کراچی: کورنگی عوامی کالونی میں سفاک نامعلوم ملزمان نے بچے کی آنکھوں میں ایلفی ڈال دی۔
پولیس کے مطابق بچہ گزشتہ صبح ہی غائب ہوگیا تھا، 8 سالہ عبدالحنان کو ابراہیم حیدری کے الیاس گوٹھ سے نامعلوم ملزمان مبینہ طور پر اغوا کرکے لے گئے اور بچے کی آنکھوں میں ایلفی ڈال کر اسے گزشتہ روز عوامی کالونی میں چھوڑ کر فرار ہوگئے تھے۔
پولیس نے بچے کی آنکھوں کی اسپتال سے صفائی کروانے کے بعد اسے فلاحی ادارے کے شیلٹر ہوم منتقل کردیا۔
بچے کے بھائی نے عوامی پولیس سے بچہ کی حوالگی کے لیے رابطہ کرلیا ہے۔
