مجھے نہیں لگتا پی ٹی آئی کے اتحادی ساتھ نبھائیں گے، بلاول بھٹو

پاکستان پیپلز پارٹی کے چیئرمین بلاول بھٹو زرداری کا کہنا ہے کہ پنجاب اور خیبر پختونخوا سے تحریک انصاف کیخلاف کافی آوازیں اٹھ رہی ہیں۔

میڈیا سے گفتگو میں بلاول نے کہا کہ نہیں لگتا پاکستان تحریک انصاف (پی ٹی آئی) کے اتحادی اُن کا ساتھ نبھائیں گے، نوکریوں، گھروں سمیت مختلف عوامی فلاحی وعدوں سے وزیراعظم نے یو ٹرن لے لیا۔

انہوں نے کہا کہ وفاقی حکومت کراچی کے مسائل حل نہیں کررہی، ایم کیو ایم وزارتیں چھوڑے اور کراچی کے مسائل پر توجہ دے۔

چیئرمین پیپلز پارٹی نے مزید کہا کہ امید ہے آئی جی سندھ کا معاملہ وزیراعظم اور وزیراعلیٰ کی مشاورت سے حل ہوجائے گا۔