19 فروری ، 2020
خواتین اپنے کچن میں کھانے پکانے کے مختلف تجربات کرتی رہتی ہیں تاہم ایک جرمن خاتون نے اپنے ہاتھوں سے فرائی پین موڑ کر گنیز بک آف ورلڈ ریکارڈ میں اپنا نام درج کرادیا۔
گنیز بک آف ورلڈ ریکارڈ کی ویب سائٹ کے مطابق جرمنی سے تعلق رکھنے والی خاتون کیتھلین کرازی نے صرف ایک منٹ میں ایلمونیم سے بنے 7 فرائی پین موڑ کر ورلڈ ریکارڈ بنایا۔
ویڈیو میں دیکھا جاسکتا ہے کہ کیتھلین فرائی پین کو اپنے ہاتھوں سے دبا کر بالکل رول کی طرح موڑ رہی ہیں۔
کیتھلین سے قبل یہ ریکارڈ امریکا کی لِنزے لِنڈ برگ کے پاس تھا جنہوں نے 2014 میں ایک منٹ میں 6 فرائی پین رول کیے تھے۔