کھیل
Time 20 فروری ، 2020

رنگا رنگ افتتاحی تقریب کے ساتھ پاکستان سپر لیگ کے پانچویں ایڈیشن کا آغاز

رنگا رنگ افتتاحی تقریب کے ساتھ پاکستان سپر لیگ (پی ایس ایل) کے پانچویں ایڈیشن کا آغاز کراچی کے نیشنل اسٹیڈیم میں ہوگیا۔

پی ایس ایل کی کراچی میں ہونے والی پہلی افتتاحی تقریب کے لیے نیشنل اسٹیڈیم اور اطراف کو برقی قمقموں سے سجایا گیا تھا اور شہر قائد کی سڑکوں پر جگہ جگہ پاکستانی پرچم اور ملکی و غیر ملکی کھلاڑیوں کے پوسٹرز آویزاں کیے گئے تھے۔

پاکستان سپر لیگ کے پانچویں ایڈیشن کی افتتاحی تقریب میں گلوکار راحت فتح علی خان، سجاد علی، علی عظمت، عارف لوہار، عاصم اظہر، آئمہ بیگ، صنم ماروی اور ہارون سمیت متعدد فنکاروں نے اپنے فن کا مظاہرہ کیا۔

اس موقع پر شہر بھر میں سیکیورٹی کے بھی انتہائی سخت انتظامات کیے گئے تھے۔

افتتاحی تقریب کے آخر میں آتش بازی کا شاندار مظاہرہ کیا گیا جس کے بعد افتتاحی میچ کی تیاری شروع کردی گئی جو کہ دفاعی چیمپئن کوئٹہ گلیڈی ایٹرز اور اسلام آباد یونائیٹڈ کی ٹیموں کے درمیان ہے۔

مزید خبریں :