Can't connect right now! retry

کھیل
20 فروری ، 2020

پی ایس ایل 5: ’ہم تو کب سے تیار تھے آپ نے تیاری نہیں کی‘

سماجی رابطوں کی ویب سائٹ ٹوئٹر پر پی ایس ایل 5 کی افتتاحی تقریب میں مداحوں نے مختلف خامیوں کی نشاندہی کی— فوٹو: فائل

پاکستان سپر لیگ (پی ایس ایل) کے پانچویں ایڈیشن کی افتتاحی تقریب پر مداحوں نے مایوسی کا اظہار کیا ہے۔

سماجی رابطوں کی ویب سائٹ ٹوئٹر پر پی ایس ایل 5 کی افتتاحی تقریب میں مداحوں نے مختلف خامیوں کی نشاندہی کی اور اتنے بڑے ایونٹ کے افتتاح کی تقریب میں میزبان اور فنکاروں کے پوری تیاری کے ساتھ نہ آنے پر تنقید کی۔

میزبان احمد گوڈیل پر تنقید

پی ایس ایل فائیو کے ابتدائی کلمات ماڈل احمد گوڈیل نے ادا کیے لیکن ان کے اندازِ بیان کو شائقین نے زیادہ پسند نہیں کیا۔

سوشل میڈیا پر تو لوگوں نے احمد گوڈیل کی میزبانی کو مکمل طور پر مسترد کردیا۔

بعض صارفین نے کہا کہ انہیں ایسا محسوس ہوا جیسے احمد گوڈیل وزیراعظم عمران خان کا انداز بیان کاپی کررہے ہیں۔

اس کے علاوہ بعض صارفین نے کہا کہ مائیک ہونے کے باوجود احمد گوڈیل بہت زیادہ چیخ کر بات کررہے تھے۔

ڈانسرز اور ڈھول بجانے والوں پر تنیقد

اس کے علاوہ شائقین نے اسٹیڈیم میں فن کا مظاہر ہ کرنے کیلئے آنے والے ڈانسرز اور ڈھول بجانے والوں کی غیر حقیقی پرفارمنس کو بھی آڑے ہاتھوں لیا۔

صارفین نے لکھا کہ ’صاف لگ رہا تھا کہ بیک گراؤنڈ میں میوزک چل رہا ہے اور یہ سب لوگ صرف اداکاری کررہے ہیں، بہت ہی مصنوعی پرفارمنس‘۔

’ہم تو کب سے تیار تھے آپ نے تیاری نہیں کی‘

افتتاحی تقریب کا جب تقریباً ایک گھنٹہ گزر چکا تو شائقین کی ہمت جواب دینے لگی اور اس بار بھی بھڑاس نکالنے کیلئے انہوں نے سوشل میڈیا کا سہارا لیا۔

ایک صارف نے لکھا کہ ’بس کرو، بہت ہوگیا، اب برداشت نہیں ہوتا بس جلدی سے میچ شروع کردو‘۔

ایک صارف کا کہنا تھا کہ ’کب سے ہم سے پوچھ رہے تھے کہ تیار ہو؟ ہم تو تیار تھے لیکن آپ تو کم سے کم افتتاحی تقریب کی تیاری کرکے آتے‘۔

ایک صارف نے لکھا کہ ہم ’ساحر علی بگا اور علی ظفر کو مس کررہے ہیں‘۔

ایک صارف نے افتتاحی تقریب کے دوران اسٹیڈیم کے اندر کم روشنی پر بھی تنقید کی۔

سجاد علی، آئمہ بیگ اور دیگر فنکاروں کی آمد کے بعد افتتاحی تقریب میں کچھ جان آئی تاہم شائقین نے مجموعی طور پر افتتاحی تقریب کے حوالے سے مایوسی کا اظہار کیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM