02 مارچ ، 2020 
پاکستان
ملزمان سے برآمد سرجیکل ماسک: ویڈیو اسکرین گریب
کراچی: پولیس کی کارروائی، سرجیکل ماسک ذخیرہ کرنیوالے 4 افراد گرفتار
02 مارچ ، 2020
کراچی:کھارادر میں پولیس نے کارروائی کرتے ہوئے 4 افراد کو گرفتار کرکے بڑی تعداد میں سرجیکل ماسک برآمد کرلیے۔
پولیس کے مطابق اولڈ سٹی ایریا کے علاقے کھارادر میں چار افراد کو گرفتار کیا گیا، چاروں افراد سرجیکل ماسک کی ذخیرہ اندوزی میں ملوث ہیں۔
پولیس نے بتایا کہ گرفتار افراد کے قبضے سے 20 ہزار سے زائد سرجیکل ماسک برآمد ہوئے ہیں، چاروں افراد ماسک کو مہنگا کرنے کی نیت سے ذخیرہ کررہے تھے، ملزمان کے خلاف مقدمہ درج کرلیا گیا ہے۔
