حفاظتی سامان کی خریداری میں سُستی، ڈی جی صحت سندھ عہدے سے برطرف
25 مارچ ، 2020
کورونا وائرس کے حوالے سے حفاظتی سامان کی خریداری میں سستی کے الزام میں ڈائریکٹر جنرل (ڈی جی) صحت سندھ ڈاکٹر مبین میمن کو عہدے سےہٹادیا گیا۔
ان پر محکمہ صحت کے ملازمین کیلئے حفاظتی سامان کی خریداری میں سستی کا الزام تھا۔ ترجمان محکمہ صحت کا کہنا ہے کہ ڈاکٹر مبین میمن کو ڈسٹرکٹ ہیلتھ آفیسر (ڈی ایچ او) تھرپارکر تعینات کردیا گیا ہے۔
ترجمان کے مطابق تھرپارکر کے ڈی ایچ او 19گریڈ کے ڈاکٹر ارشاد میمن کو نیا ڈی جی صحت مقرر کیا گیا ہے۔
خیال رہے کہ ڈاکٹر مبین میمن 20 گریڈ کے سینیئر ڈاکٹر ہیں۔
