29 مارچ ، 2020 
کورونا وائرس کے دوران دماغی صحت کا خیال رکھا جائے: برطانوی شاہی جوڑے کا پیغام
29 مارچ ، 2020
برطانوی شہزادے ولیم اور ان کی اہلیہ کیٹ مڈلٹن نے کورونا وائرس کے دوران دماغی صحت کا خاص خیال رکھنے کا مشورہ دیا ہے۔
برطانوی شاہی خاندان کی جانب سے ٹوئٹر پیغام میں کہا گیا کہ گزشتہ چند ہفتے سب کے لیے بے چین اور پریشان کن رہے، ہمیں ایک دوسرے کا ساتھ دینا ہوگا اور دماغی صحت کا خیال رکھنے کے لیے راستہ تلاش کرنا ہوگا۔
ٹوئٹر پیغام میں کہا گیا کہ ہر روز آسان اقدامات کرتے ہوئے ہم سب آنے والے وقت کے لیے تیار ہو سکتے ہیں۔
اس کے ساتھ ہی شاہی خاندان کی جانب سے ایک ویب سائٹ بھی تیار کی گئی ہے جس میں تفصیل سے بیان کیا گیا ہے کہ کورونا وائرس کے دوران دماغی دباؤ سے کیسے بچا جا سکتا ہے اور اس دوران اچھی دماغی صحت کیسے برقرار رکھی جائے۔
واضح رہے کہ چند روز قبل برطانیہ کے شہزادہ چارلس کا کورونا ٹیسٹ بھی مثبت آیا ہے جو اب تک اس مہلک وائرس سے متاثر ہونے والی دنیا کی سب سے بڑی شخصیت ہیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
