Can't connect right now! retry

انٹرٹینمنٹ
04 اپریل ، 2020

’مستحقین کو راشن دینے کا شکریہ لیکن ویڈیوز نہ بنائیں‘

معروف گلوکار اور سماجی کارکن شہزاد رائے—فوٹو فائل

معروف گلوکار اور سماجی کارکن شہزاد رائے نے کورونا وائرس کے باعث لاک ڈاؤن کی مشکل گھڑی میں مستحقین تک راشن فراہم کرنے والے افراد سے اظہار تشکر کیا ہے۔

کورونا وائرس کے باعث ملک بھر میں لاک ڈاؤن کا سلسلہ جاری ہے جس کے باعث مزدور اور دیہاڑی دار طبقہ کھانے پینے کی اشیاء سے محروم ہے، ایسے میں شوبز انڈسٹری اور کھیلوں کی دنیا سے تعلق رکھنے والی شخصیات سمیت دیگر افراد ضرور تمندوں کی مدد کرنے میں پیش پیش ہیں۔

اس حوالے سے شہزاد رائے نے اپنے ایک ٹوئٹر پیغام میں کہا کہ میں ان تمام افراد کا شکریہ ادا کرتا ہوں جو ضرورت مندوں کو راشن فراہم کر رہے ہیں۔ 

اس کے علاوہ گلوکار نے درخواست بھی کی کہ راشن دیتے وقت مستحق افراد کی ویڈیوز نہ بنائی جائیں کیونکہ جب یہ ویڈیوز سوشل میڈیا پر دیکھی جاتی ہیں تو انہیں اچھا محسوس نہیں ہوتا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM