12 اپریل ، 2020 
پاکستان
اسی پرواز کے ذریعے جاپان میں پھنسے 50 سے زائد پاکستانی شہری اور ریلیف کا سامان اسلام آباد آئے گا: ذرائع پی آئی اے — فوٹو:فائل
پی آئی اے کی خصوصی پرواز جاپانی شہریوں کو لیکر کراچی سے روانہ
12 اپریل ، 2020
پاکستان انٹرنیشنل ائیرلائنز (پی آئی اے) کی خصوصی پرواز 119 جاپانی شہریوں کو لے کر کراچی سے روانہ ہوگئی۔
لاک ڈاون کے باعث جاپانی شہری پاکستان میں پھنس گئے تھے جنہیں خصوصی پرواز کے ذریعے روانہ کیا گیا۔
پرواز پی کے 8855 میں کراچی سے 84 مسافر سوار ہوئے ہیں جن میں ایک کورین باشندہ بھی شامل ہے جبکہ 36 جاپانی شہری اسلام آباد سے اس پرواز میں سوار ہوں گے۔
خصوصی پرواز ٹوکیو کے ناریتا انٹرنیشنل ائیرپورٹ پر مقامی وقت کے مطابق پیر کی دوپہر 12 بجے اترے گی۔
پی آئی اے ذرائع کے مطابق جاپان میں پھنسے 50 سے زائد پاکستانی شہری اور ریلیف کا سامان اسلام آباد آئے گا۔
