Can't connect right now! retry

دلچسپ و عجیب
16 اپریل ، 2020

کورونا میں مبتلا معمر جوڑے نے آئی سی یو میں شادی کی 50 ویں سالگرہ منائی

کورونا میں مبتلا اطالوی جوڑے نے شادی کی 50 ویں سالگرہ آئی سی یو میں منالی—فوٹو بشکریہ ڈیلی میل 

کورونا وائرس سے جنگ  لڑتے ہوئے محبت کا جشن منانے والے معمر اطالوی جوڑے نے شادی کی 50 ویں سالگرہ آئی سی یو میں منائی۔

برطانوی جریدے ڈیلی میل میں شائع رپورٹ کے مطابق اطالوی علاقے مارکے کے مری اسپتال میں ایک معمر جوڑا آئی سی یو میں زیر علاج ہے جو کورونا سے متاثر ہے، ان دونوں میاں بیوی کی عمر 70 سال سے زائد ہے۔

معمر جوڑے کی دیکھ بھال پر مامور اسپتال کی ایک نرس کو بتایا گیا کہ اس جوڑے کی شادی کو 50 برس مکمل ہونے والے ہیں اور ان کی گولڈن جوبلی عنقریب ہے لیکن وہ اس طرح آئی سی یو میں زیرعلاج ہیں۔

اسپتال میں زیر علاج خاتون نے نرس سے کہا  کہ ان کے 73 سالہ شوہر ان کا بہت خیال رکھتے تھے اور ان سے بہت محبت کرتے تھے۔ 

—فوٹو بشکریہ ڈیلی میل 

نرس نے خاتون کی یہ بات سن کر طبی عملے کے ساتھ مل کر  شادی کی سالگرہ منانے کا انتظام کیا اور معمر خاتون کے شوہر کو ان کے برابر والے بیڈ پر منتقل کیا۔

طبی عملے نے تمام حفاظتی کٹس استعمال کرتے ہوئے اطالوی جوڑے کی سالگرہ کا کیک کٹوایا جس پر 50 موم بتیاں بھی سجائیں لیکن آئی سی یو میں انہیں بجھائے رکھا کیونکہ وہاں آکسیجن فراہم کی جاتی ہے۔

نرس کا کہنا تھا کہ دونوں نے شادی کی سالگرہ پر ایک دوسرے کا بستر پر لیٹے ہوئے ہاتھ بھی پکڑا اور تمام عملے نے جوڑے کے ساتھ تصاویر لیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM