17 اپریل ، 2020 
کورونا وائرس: جاپان میں ایمرجنسی نافذ، ہر شہری کو ڈیڑھ لاکھ روپے دینے کا اعلان
17 اپریل ، 2020
جاپان نے کورونا وائرس کے پھیلاؤ کے خدشے کے پیش نظر پورے ملک میں ایمرجنسی نافذ کردی۔
جاپان کے وزیراعظم شنزو ایبے نے گزشتہ روز طبی ماہرین سے مشاورت کے بعد ملک میں ایمرجنسی نافذ کرنے کا اعلان کیا تھا جبکہ اس سے قبل یہ ایمرجنسی دارالحکومت ٹوکیو سمیت 7 شہروں میں نافذ کی گئی تھی۔ جاپان میں ایمرجنسی 6 مئی تک برقرار رہے گے۔
خیال رہے کہ جاپان میں کورونا وائرس کے مریضوں میں تیزی سے اضافہ ہوتا جارہا ہے اور گزشتہ روز بھی 605 کیسز رپورٹ ہوئے تھے۔
جاپانی حکومت کا ہر شہری کو ایک لاکھ یوآن دینے کا اعلان
جمعے کے روز پریس کانفرنس کرتے ہوئے جاپانی وزیراعظم نے ہر شہری کو ایک لاکھ یوآن یعنی 930 ڈالرز (تقریباً ڈیڑھ لاکھ پاکستانی روپے) دینے کا اعلان کیا ہے۔
جاپانی وزیراعظم نے پریس کانفرنس میں کہا کہ رقم کی فراہمی ہر شہری تک جلد یقینی بنائے جائے گی جبکہ اس کے ساتھ ساتھ 2، 2 ماسک شہریوں کو گھروں میں فراہم کیے جائیں گے۔
جاپانی وزیراعظم نے شہریوں کو گھروں میں رہنے اور میل جول کم سے کم رکھنے کی اپیل کی اور امید کا اظہار کیا کہ سماجی فاصلے رکھنے سے 2 ہفتوں میں وائرس کے پھیلاؤ پر قابو پالیں گے۔
واضح رہے کہ جاپان میں کورونا وائرس کے باعث 190 اموات ہوچکی ہیں جبکہ 9ہزار سے زائد افراد متاثر ہوئے ہیں۔
اس کے علاوہ جاپان میں رواں سال اولمپکس مقابلے بھی ہونا تھے جو اب ایک سال کے لیے ملتوی کردیے گئے ہیں۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
3 گھنٹے پہلے
غزہ پر اسرائیلی بمباری سے مزید 38 فلسطینی شہید
5 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
