دنیا میں کورونا سے ہلاک افراد کی تعداد ایک لاکھ 85 ہزار کے قریب

دنیا بھر میں پھیلی عالمگیر وبا کورونا وائرس سے ہلاکتوں کی مجموعی تعداد ایک لاکھ 85 ہزار کے قریب پہنچ گئیں۔

امریکا میں کورونا وائرس سے متاثرہ افراد کی تعداد 8 لاکھ 49 ہزار سے تجاوز کرچکی ہے جب کہ 47 ہزار 681 افراداب تک عالمی وبا کا ترنوالا بن چکے ہیں۔

کورونا وائرس کے باعث سب سے زیادہ متاثرہ ملک اٹلی میں بھی ہلاک افراد کی تعداد 25 ہزار سے زائد ہو گئی ہے جب کہ متاثرین کی تعداد ایک لاکھ 87 ہزار 327 ہو چکی ہے۔

’جتنی جلدی ٹیسٹنگ اور آئسولیٹ کریں کورونا اتنی جلدی مر جاتا ہے‘

پاکستان کے پاس ٹیسٹنگ کے ذرائع محدود ہیں اسی لیے ہم اسکریننگ ٹیسٹ کر رہے ہیں جو چین میں بھی کیا گیا تھا: ایم ڈی گیٹز فارما

اسپین دنیا میں اموات کے اعتبار سے تیسرے نمبر پر ہے جہاں اب تک 21ہزار 717 افراد لقمہ اجل بن چکے ہیں جب کہ فرانس میں بھی ہلاک افراد کی تعداد 21 ہزار 340 ہو گئی ہے۔

برطانیہ میں 18 ہزار 100 افراد کورونا وائرس کے باعث اپنی زندگیوں سے ہاتھ دھو چکے ہیں جب کہ جرمنی اور ایران میں بھی 5، 5 ہزار سے زائد افراد ہلاک ہو چکے ہیں۔

چین میں اموات کی مجموعی تعداد 4 ہزار 632 جب کہ ترکی میں 2 ہزار 376 ہو چکی ہے۔

دنیا بھر میں کورونا سے متاثرہ افراد کی تعداد 26 لاکھ 66 ہزار 446 جب کہ اموات ایک لاکھ 84 ہزار 353 ہو چکی ہیں۔