28 اپریل ، 2020 
عاصم باجوہ اور شبلی فراز کی وزیراعظم عمران خان سے ملاقات
28 اپریل ، 2020
وزیراعظم عمران خان سے وفاقی وزیر اطلاعات سینیٹر شبلی فراز اور معاون خصوصی برائے اطلاعات لیفٹیننٹ جنرل ریٹائرڈ عاصم سلیم باجوہ نے ملاقات کی۔
وزیراعظم نے دونوں شخصیات کو عہدہ سنبھالنے پر مبارک باد دی اور نئی ذمہ داریوں کے حوالے سے تبادلہ خیال کیا۔
واضح رہے کہ گزشتہ روز وزیراعظم عمران خان نے معاون خصوصی برائے اطلاعات فردوس عاشق اعوان کو ان کے عہدے سے ہٹا کر لیفٹیننٹ جنرل ریٹائرڈ عاصم سلیم باجوہ کو معاون خصوصی اطلاعات مقرر کیا تھا۔
وزیراعظم کی جانب سے وفاقی وزیر برائے اطلاعات و نشریات کا عہدہ سینیٹ میں قائد ایوان سینیٹر شبلی فراز کو دیا گیا تھا جنہوں نے آج اپنے عہدے کا حلف اٹھالیا ہے۔
ایوان صدر میں ہونے والی تقریب میں صدر مملکت عارف علوی نے شبلی فراز سے حلف لیا۔
