پاکستان میں کورونا وائرس کے سب سے زیادہ ٹیسٹ کہاں ہو رہے ہیں؟

عالمی اداراہ صحت (ڈبلیو ایچ او) کی جانب سے پاکستان میں کورونا وائرس کے پھیلاؤ اور کورونا کی صورتحال سے متعلق ایک رپورٹ جاری کی گئی ہے۔

عالمی اداراہ صحت (ڈبلیو ایچ او) کی رپورٹ میں یہ بھی بتایا گیا ہے پاکستان کے تمام صوبوں میں روزانہ کتنے افراد کا کورونا وائرس کا ٹیسٹ کیا جا رہا ہے۔ 

پاکستان میں روزانہ کی بنیاد پر کورونا ٹیسٹ کے اعداد و شمار

پنجاب

عالمی ادارہ صحت کی رپورٹ کے مطابق اس وقت سب سے زیادہ ٹیسٹ صوبہ پنجاب میں ہو رہے ہیں جہاں کورونا وائرس کا ٹیسٹ کرنے کے لیے کل 23 لیبارٹریاں فعال ہیں۔

صوبہ پنجاب میں روزانہ کورونا وائرس کے 5 ہزار 810 ٹیسٹ کیے جا رہے ہیں۔

سندھ

پاکستان میں پنجاب کے بعد سندھ میں سب سے زیادہ کورونا وائرس کے ٹیسٹ کیے جا رہے ہیں جہاں کورونا کے ٹیسٹ کے لیے 13 لیبارٹریاں کام کر رہی ہیں۔

صوبہ سندھ میں روزانہ کورونا وائرس کے 5 ہزار ٹیسٹ کیے جا رہے ہیں۔

اسلام آباد

پاکستان میں تیسرے نمبر پر سب سے زیادہ کورونا ٹیسٹ وفاقی دارالحکومت اسلام آباد میں ہو رہے ہیں جہاں 7 لیبارٹریاں دن رات مصروف ہیں۔

اسلام آباد میں روزانہ کی بنیاد پر کورونا وائرس کے 2 ہزار 756 ٹیسٹ کیے جا رہے ہیں۔

خیبرپختونخوا

خیبرپختونخوا میں کورونا وائرس کے ٹیسٹ کے لیے 8 لیبارٹریاں کام کر رہی ہیں اور صوبے میں روزانہ ایک ہزار 788 افراد کے کورونا وائرس ٹیسٹ کیے جا رہے ہیں۔

بلوچستان

رقبے کے اعتبار سے پاکستان کے سب سے بڑے صوبے بلوچستان میں کورونا وائرس کے ٹیسٹ کے لیے صرف 2 لیبارٹریاں کام کر رہی ہیں۔

بلوچستان میں روزانہ کی بنیاد پر 894 افراد کے کووڈ 19 کے ٹیسٹ کیے جا رہے ہیں۔

آزاد جموں کشمیر

آزاد جموں کشمیر میں کورونا وائرس کے ٹیسٹ کے لیے 3 لیبارٹریاں فعال ہیں اور روزانہ 188 افراد کے کورونا وائرس کے ٹیسٹ کیے جا رہے ہیں۔

گلگت بلتستان

گلگت بلتستان میں کورونا وائرس کے ٹیسٹ کے لیے 2 لیبارٹریاں کام کر رہی ہیں جہاں روزانہ کی بنیاد پر 160 افراد کے کورونا وائرس کے ٹیسٹ کیے جا رہے ہیں۔