Can't connect right now! retry

پاکستان
11 مئی ، 2020

کراچی: دکان میں ڈکیتی مارنیوالے 5 ڈاکو سی ٹی ڈی اہلکار نکلے

فائل فوٹو

کراچی میں کچھ روز قبل دکان سے لاکھوں روپے لوٹنے والے پولیس اہلکار سی ٹی ڈی کے نکلے جنہیں نوکری سے برطرف کردیا گیا۔

ایس ایس پی کاؤنٹر ٹیررازم ڈیپارٹمنٹ (سی ٹی ڈی) غلام سرور ابڑو کے مطابق سی ٹی ڈی کے 5 اہلکاروں کو ڈکیتی کی واردات میں ملوث ہونے پر نوکری سے نکال دیا گیا ہے۔

ایس ایس پی نے بتایا کہ نکالے جانیوالے اہلکاروں نے 6 مئی کو ایک دکان میں 3 لاکھ روپے نقد لوٹے اور دکاندار پر تشدد کرکے اسے اپنے ہمراہ لے گئے جبکہ کچھ دیر بعد اسے واپس لے آئے اور مزید 90 ہزار روپے لوٹ کر فرار ہوگئے۔

ملزم پولیس اہلکاروں کی سی سی ٹی وی بھی منظرعام پر آگئی ہے جس کے بعد سی ٹی ڈی اہلکاروں کے خلاف سائیٹ بی تھانے میں مقدمہ درج کرلیا گیا۔

ایس ایس سی ٹی ڈی کے مطابق ملزمان کو بیان ریکارڈ کرنے کے لیے طلب کیا تاہم وہ فرار ہوگئے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM