Can't connect right now! retry

ارطغرل غازی کی ’حلیمہ سلطان‘ پاکستان کا دورہ کرنے کی خواہشمند

’ارطغرل غازی‘ میں ’حلیمہ سلطان‘ کا مقبول مرکزی کردار ادا کرنے والی اسراء بلجیک—انسٹاگرام فوٹو  

شہرہ آفاق ترکش سیریز ’دیرلیش ارطغرل‘ یا ’ارطغرل غازی‘ میں  ’حلیمہ سلطان‘ کا مقبول کردار ادا کرنے والی اداکارہ اسراء بلجیک نے اپنے مداحوں سے ملاقات کے لیے پاکستان کا دورہ کرنے کی خواہش کا اظہار کیا ہے۔

وزیراعظم عمران خان کی خواہش پر  پاکستان میں اردو ڈبنگ کے ساتھ نشر  ہونے والے تاریخ پر مبنی ترک ڈرامے ’ارطغرل غازی‘ نے  پاکستانی مداحوں کو اپنا اسیر کر لیا ہے اور پاکستان میں اس ڈارمے کی مقبولیت نے ترکی کو بھی پیچھے چھوڑ دیا ہے۔

سوشل میڈیا پر پاکستانی مداحوں کی جانب سے’ارطغرل غازی‘ کی کاسٹ کو نہ صرف سراہا جا رہا ہے بلکہ ان کے ٹوئٹر اور انسٹاگرام اکاؤنٹس کو فالو کر کے ان کی ہر پوسٹ پر  پسندیدگی کا اظہار بھی کیا جا رہا ہے۔

View this post on Instagram

#tb

A post shared by Esra Bilgiç (@esbilgic) on

اداکارہ اسراء بلجیک کے انسٹاگرام کی ایک  پوسٹ پر  پاکستانی مداح نے انہیں’ارطغرل غازی‘ کی پاکستان میں مقبولیت کے حوالے سے بتایا اور لکھا کہ پاکستان میں سیریز سب بہت شوق سے دیکھ رہے ہیں۔

مداح نے اسراء کو  یہ بھی بتایا کہ پاکستان میں اس سیریز نے مقبولیت کے تمام ریکارڈز توڑ دیے ہیں۔

اسراء نے پاکستانی مداحوں کے محبت بھرے پیغامات پر  اظہار تشکر کرتے ہوئے کہا کہ ’میں پاکستان سے ملنے والی محبت کا تہہ دل سے شکریہ ادا کرتی ہوں،  پُرجوش ہوں کے پاکستان کا دورہ کروں اور آپ سب سے ملاقات کروں، اپنا بے حد خیال رکھیے‘۔

انسٹاگرام پوسٹ پر تبصرے—اسکرین گریب

واضح رہے کہ سیریز میں مرکزی کردار ادا کرنے والے ارطغل کی بہادری، مضبوط ایمان، حوصلہ، سب لوگوں کی مخالفت کے باوجود اپنے مقصد پر کھڑے رہنا جیسی خوبیوں نے جہاں پاکستانیوں کو اپنا گرویدہ بنایا ہوا ہے وہیں حلیمہ سلطان نے اپنی خوبصورتی اور شاندار کردار ادا کرنے کی وجہ سے پاکستانیوں کے دلوں میں گھر کر لیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM