صحت و سائنس

لاک ڈاؤن: گھر سے کام کرنیوالے افراد کیلئے چند ہدایات

19 مئی ، 2020

کورونا وائرس کے پیش نظر لاک ڈاؤن کی وجہ سے بے شمار افراد گھر پر رہ کر کام کر رہے ہیں اور ایسے میں انہیں دشواریوں کا بھی سامنا کرنا پڑ رہا ہے۔

گھر پر کام کرنے میں دشواری کی پہلی وجہ تو یہ ہے کہ ہم میں سے بہت ہی کم لوگوں کے گھروں میں کوئی ایسی آرام دہ جگہ نہیں ہوگی جہاں ہم آرام سے لگا تار 8 گھنٹے بیٹھ کر کام کریں۔

گھر میں آرام دہ جگہ نہ ہونے کی وجہ سے ہمیں کمر، گردن اور کندھوں میں تکلیف کا سامنا ہوگا۔

ان تمام تر تکالیف سے بچاؤ اور انہیں کم کرنے کے لیے آج ہم آپ کو گھر میں کام کرنے کے حوالے سے چند ہدایات دیں گے۔

1۔ 8 گھنٹے لگاتار بیٹھ کر کام کرنے والے لوگوں کو چاہیے کہ وہ کام کے دوران ہر آدھے گھنٹے بعد تقریباً 3 سے 4 منٹ کھڑے ہوں یا ہلکی پھلکی چہل قدمی کریں۔

2۔ کرسی پر بیٹھے بیٹھے گردن اور ہاتھوں کی چند ورزش کرنے سے بھی آپ کی کمر اور گردن میں تکلیف نہیں ہوگی۔

3۔ کام کرتے دوران ضروری ہے کہ آپ کا لیپ ٹاپ یا کمپیوٹر آپ کی آنکھوں کے بالکل سامنے رکھا ہو، زیادہ اوپر یا زیادہ نییچے لیپ ٹاپ رکھ کر کام کرنے سے آپ کی آنکھوں اور سر میں درد ہوسکتا ہے۔

4۔ کام کرتے دوران اپنی کمر کے پیچھے کوئی تکیہ رکھ لیں اس طرح کرنے سے بھی آپ کو کام کرتے دوران آرام ملے گا۔

5۔ کام کرتے دوران ضروری ہے کہ آپ اپنے پوسچر کو نہ خراب کریں اور جھک کر نا بیٹھیں ایسا کرنا گردن میں تکلیف کا باعث بن سکتا ہے۔