Print Story
X
اموات کی مجموعی تعداد 1052 ہو گئی جب کہ نئے کیسز سامنے آنے کے بعد مریضوں کی تعداد 49520 تک پہنچ گئی ہے
21 مئی ، 2020
ملک میں آج اب تک کورونا سے مزید 35 افراد انتقال کرگئےجس کے بعد اموات کی مجموعی تعداد 1052 ہو گئی جب کہ نئے کیسز سامنے آنے کے بعد مریضوں کی تعداد 49520 تک پہنچ گئی ہے۔
اب تک سب سے زیادہ اموات خیبرپختونخوا میں سامنے آئی ہیں جہاں کورونا سے 365 افراد انتقال کرچکے ہیں جب کہ سندھ میں 336 اور پنجاب میں 297 افراد جاں بحق ہو چکے ہیں۔
اس کے علاوہ بلوچستان میں 39، اسلام آباد 10، گلگت بلتستان میں 4 اور آزاد کشمیر میں مہلک وائرس سے ایک شخص جاں بحق ہوا ہے۔
آج ملک بھر سے کورونا کے مزید 1541 کیسز اور 35 ہلاکتیں سامنے آئیں جن میں سندھ سے 960 کیسز 20 ہلاکتیں، خیبر پختونخوا سے 340 کیسز 14 ہلاکتیں، بلوچستان سے 106 کیسز ایک ہلاکت، اسلام آباد 97 کیسز، گلگت بلتستان سے 23 کیسز اور آزاد کشمیر سے 15 کیسز رپورٹ ہوئے ہیں۔
آج بروز جمعرات سندھ میں کورونا وائرس کے مزید 960 کیسز سامنے آئے اور 20 ہلاکتیں ہوئیں جن کی تصدیق وزیراعلیٰ سندھ نے کی۔
مرد علی شاہ نے بتایا کہ صوبے میں نئے کیسز کے بعد کورونا کے مریضوں کی مجموعی تعداد 19924 اور ہلاکتیں 336 ہوگئی ہیں۔
وزیراعلیٰ کے مطابق مزید 680 مریض صحتیاب ہوگئے جس کے بعد صحتیاب ہونے والوں کی تعداد 6325 ہوگئی ہے۔
وفاقی دارالحکومت سے آج کورونا وائرس کے مزید 97 کیسز سامنے آئے ہیں جو سرکاری پورٹل پر رپورٹ کیے گئے ہیں۔
پورٹل کے مطابق اسلام آباد میں کیسز کی مجموعی تعداد 1235 ہوگئی ہے جب کہ 10 افراد جاں بحق ہوچکے ہیں۔
اسلام آباد میں اب تک کورونا وائرس سے 151 مریض صحتیاب بھی ہوئے ہیں۔
آزاد کشمیر سے آج کورنا کے مزید 15 کیسز سامنے آئے ہیں جو سرکاری پورٹل پر رپورٹ ہوئے ہیں۔
پورٹل کے مطابق علاقے میں کورونا کے مریضوں کی تعداد 148 ہوگئی ہے جب کہ علاقے میں اب تک وائرس سے ایک ہلاکت ہوئی ہے۔
سرکاری پورٹل کے مطابق آزاد کشمیر میں کورونا سے اب تک 79 افراد صحت یاب ہوچکے ہیں۔
پنجاب حکومت کی جانب سے جمعرات کو آخری اطلاعات تک کورونا وائرس کے حوالے سے اعداد و شمار جاری نہیں کیے گئے۔
بدھ کو صوبے میں کورونا کے مزید 697 کیسز اور 7 ہلاکتیں بھی سامنے آئیں تھیں جن کی تصدیق صوبائی ڈیزاسٹر مینجمنٹ اتھارٹی کی جانب سے کی گئی تھی۔
پی ڈی ایم اے پنجاب کے مطابق صوبے میں کورونا سے متاثر ہونے والے افراد کی مجموعی تعداد 17382 ہوگئی ہے جب کہ 297 افراد اب تک جاں بحق ہوچکے ہیں۔
صوبے میں اب تک 5112 افراد صحت یاب بھی ہوچکے ہیں۔
بلوچستان سے جمعرات کو کورونا کے مزید 106 کیسز اور ایک ہلاکت سامنے آئی جس کے بعد صوبے میں کورونا سے متاثرہ افراد کی مجموعی تعداد 3074 ہوگئی ہے جب کہ 39 افراد اب تک جاں بحق ہوچکے ہیں۔
بلوچستان میں کورونا سے متاثرہ 724 افراد صحت یاب بھی ہوچکے ہیں۔
خیبر پختونخوا میں جمعرات کو کورونا وائرس سے مزید 14 افراد جان کی بازی ہار گئے جس کے بعد صوبے میں ہلاکتوں کی تعداد 365 ہوگئی ہے۔
صوبائی محکمہ صحت کے مطابق صوبے میں کورونا کے مزید 340کیسز بھی سامنے آئے جس کے بعد متاثرہ افراد کی کل تعداد 7155 ہوچکی ہے۔
کے پی میں 2198 افراد کورونا وائرس سے صحت یاب بھی ہو چکے ہیں۔
جمعرات کو گلگت بلتستان میں مزید 23 افراد میں مہلک وائرس کی تشخیص ہوئی جس کے بعد متاثرہ مریضوں کی تعداد 602 ہو گئی ہے۔
گلگت بلتستان میں وائرس سے اب تک 4 ہلاکتیں ہوئی ہیں جب کہ کورونا سے متاثرہ 412 افراد صحت یاب بھی ہو چکے ہیں اور 186 زیر علاج ہیں۔
