Can't connect right now! retry

مصنوعی ٹیڑھی میڑھی عینک نے یمنی بچے کو تحائف سے مالا مال کردیا

—فوٹو ٹوئٹر

یمن میں ایک بچے کی لو ہے کی تاروں سے بنی مصنوعی ٹیڑھی میڑھی عینک کی تصویر سوشل میڈیا پر وائرل کیا ہوئی کہ اس کے لیے تحائف کی لائن لگ گئی۔

عرب خبررساں ادارے کے مطابق جنگ سے متاثرہ ایک یمنی بچے  محمد نے تاروں سے ایک عینک بنائی  جس کو اس نے گرد آلود کپڑوں اور چہرے کے ساتھ آنکھوں پر لگایا۔

سوشل میڈیا پر یہ تصویر ایسی وائرل ہوئی کہ  پتھر دل بھی موم ہوگئے۔

ایک مقامی صحافی اور فوٹو گرافر عبداللہ الجرادی نے ننھے محمد کی تاروں والی عینک کے ساتھ تصویر لی اور اس کو آن لائن نیلامی کے لیے پیش کردیا۔ 

عینک آن لائن نیلامی میں  چار ہزار ڈالر سے زیادہ رقم میں خریدی گئی—فوٹو ٹوئٹر

دیکھتے ہی دیکھتے بچے اور اس کے خاندان کے لیے عید کے کپڑے اور تحائف کی بھرمار ہوگئی۔ 

صرف یہی نہیں بلکہ اس کی یہ عینک آن لائن بولی میں یمن میں سعودی عرب کے بارودی سرنگوں کے انسداد کے لیے جاری پروگرام مسام کے ڈائریکٹر جنرل اسامہ القصیبی نے 25 لاکھ یمنی ریال میں خریدی جو چار ہزار ڈالر سے زائد رقم بنتی ہے۔

رپورٹ کے مطابق ٹوٹی پھوٹی عینک کے ذریعے اپنی زندگی بدلنے ولا بچہ اپنے خاندان کے ہمراہ آج کل مشرقی یمن کی مآرب گورنری میں ایک پناہ گزین کیمپ میں رہائش پذیر ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM