Can't connect right now! retry

پاکستان
22 مئی ، 2020

بینک آف پنجاب کے سربراہ معجزانہ طور پر کراچی طیارہ حادثے میں بچ گئے

کراچی میں حادثے کا شکار ہونے والے پاکستان انٹرنیشنل ائیرلائن (پی آئی اے)  میں سوار کئی مسافروں کے معجزانہ طور پر بچ جانے کی اطلاعات موصول ہو رہی ہے۔

حادثے میں معجزانہ طور پر بچ جانے والوں میں بینک آف پنجاب کے سربراہ ظفرمسعود شامل ہیں اور انہیں  دار الصحت اسپتال منتقل کردیا گیا۔

انتظامیہ دارلصحت کے مطابق صدر پنجاب بینک کے کولہے اور کالر کی ہڈی فریکچر ہوئی ہے اور ان  کے جسم پر جلنے کا کوئی زخم نہیں، صرف خراشیں آئیں۔

وزیراعلیٰ سندھ کی دارالصحت اسپتال آمد

وزیر اعلیٰ سندھ مراد علی شاہ نے نے بینک آف پنجاب کے صدر ظفر مسعود کی عیادت کی۔

ترجمان وزیراعلیٰ سندھ کے مطابق مراد علی ساہ نے ظفر مسعود کی عیادت کی، الحمد اللہ ظفر مسعود کی حالت مستحکم ہے، وزیراعلیٰ سندھ نے ظفر مسعود سے مختصر گفتگو بھی کی۔

ترجمان وزیر اعلیٰ کے مطابق ظفر مسعود نے مراد علی شاہ کا شکریہ ادا کیا اور کہا اللہ پاک نے رحم کیا، وزیراعلیٰ سندھ نے ظفر مسعود کو آرام کرنے کا کہا۔

دوسری جانب اب تک جناح اسپتال میں ایک بچے سمیت 7 زخمیوں کو لایا گیا ہے جب کہ 15 افراد کے جاں بحق ہونے کی بھی تصدیق ہو گئی ہے۔

پی آئی اے انتظامیہ کے مطابق طیارے میں مجموعی طور پر 91 مسافر اور عملے کے 7 ارکان سوار تھے۔

— جیو نیوز فوٹو

عینی شاہدین کا کہنا ہے کہ حادثے  سے قبل طیارے کی دم نیچے جھکی ہوئی تھی اور وہی پہلے زمین سے ٹکرائی جس کی وجہ سے امید ہے کہ طیارے کے اگلے حصے میں سوار مسافروں کے بچ جانے کی امید پیدا ہوگئی ہے۔

ذرائع کا کہنا ہے کہ حادثے کی جگہ سے کئی افراد کو زخمی حالت میں اسپتال منتقل کیا گیا ہے۔

اس حوالے سے جیسے ہی مزید تفصیلات سامنے آئیں گی جیو نیوز اپنے قارئین کو ان سے آگاہ کرے گا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM