Can't connect right now! retry

کاروبار
30 مئی ، 2020

افغان ٹرانزٹ تجارت کا پہلا کارگو جہاز گندم اور یوریا لیکر گوادر پہنچ گیا

کارگو جہاز کا گوادر پہنچنا مقامی معیشت کے حوالے سے خواب کا شرمندہ تعبیر ہونا ہے: چیئرمین سی پیک اتھارٹی عاصم سلیم باجوہ— فوٹو: عاصن سلیم باجوہ ٹوئٹر

پاک چین اقتصادی راہداری (سی پیک) اتھارٹی کے چیئرمین و وزیراعظم عمران خان کے معاون خصوصی برائے اطلاعات لیفٹیننٹ جنرل (ر) عاصم سلیم باجوہ نے کہا ہے کہ افغان ٹرانزٹ تجارت کے حوالے سے پہلا کارگو جہاز سامان لیکر گوادر بندر گاہ پہنچ گیا۔

عاصم سلیم باجوہ نے اپنی ٹوئٹ میں بتایا کہ گندم اور یوریا کی سپلائی لیکر پہلا کارگو جہاز گوادر پورٹ پہنچ گیا ہے، یہ کارگو شپ افغان ٹرانزٹ تجارت کیلئے سامان لیکر اس ہفتے پہنچا ہے۔

انہوں نے کہا کہ کارگو جہاز کا گوادر پہنچنا مقامی معیشت کے حوالے سے خواب کا شرمندہ تعبیر ہونا ہے، کارگو جہاز کی گوادر بندرگاہ آمد سے کاروباری سرگرمیاں بڑھیں گی۔

خیال رہے کہ رواں سال 20 اپریل کو وزیراعظم عمران خان کے مشیر برائے تجارت رزاق داؤد نے کہا تھا کہ بزنس کمیونٹی اور شپنگ انڈسٹری نے گوادر پورٹ آپریشنل کرنے کا مطالبہ کیا تھا جس کے بعد وزارت تجارت نے افغان ٹرانزٹ ٹریڈ کیلئے گوادر پورٹ کو آپریشنل کردیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM