پیپلز پارٹی سندھ کے تحت کراچی میں کثیر الجماعتی کانفرنس

پیپلز پارٹی سندھ کے تحت کراچی میں کثیر الجماعتی کانفرنس منعقد ہوئی جس میں متحدہ قومی موومنٹ (ایم کیوایم)، مسلم لیگ، جماعت اسلامی اور دیگرجماعتوں کے رہنماؤں نے شرکت کی۔

وزیراعلیٰ سندھ سید مراد علی شاہ نے کہا کہ قومی مالیاتی کمیشن (این ایف سی) کی صدارت مشیر خزانہ نہیں کرسکتے، وزارت خزانہ کا محکمہ وزیراعظم کے پاس ہے تو وزیراعظم کمیشن کی صدارت کریں۔

انہوں نے کہا کہ این ایف سی کمیشن پر اعتراض کے حوالے سے وزیراعظم کو خط بھی لکھا، وزیراعظم کو لکھے گئے خط کا تاحال کوئی جواب نہیں آیا ہے۔