13 جون ، 2020
لاہور میں ادکارہ اور کمپیئر عائشہ ثناء کےخلاف بوگس چیک دینے کا مقدمہ درج ہو گیا لیکن 15 دن گزرنے کے بعد بھی گرفتار نہ کیا جاسکا۔
تھانہ ڈیفنس بی میں میاں محمد علی معین نے27 مئی کو ادکارہ اور کمپیئر عائشہ ثناء کےخلاف مقدمہ درج کرایا تھا کہ جس میں الزام عائد کیا گیا کہ اداکارہ نے ان سے 20 لاکھ روپے ادھار لیے تھے۔
مقدمے میں بتایا گیا ہےکہ اداکارہ عائشہ نے انہیں 20 لاکھ مالیت کا چیک دیا جو باؤنس ہوگیا تھا۔
انچارج انویسٹی گیشن کے مطابق مقدمہ 15 روز قبل درج ہوا، اُسی دن سے ملزمہ روپوش ہے، ملزمہ شامل تفتیش ہوئی ہے اورنہ ہی اس نےضمانت کروائی ہے۔