20 جون ، 2020 
کراچی میں بجلی کی غیر اعلانیہ لوڈشیڈنگ زور پکڑنے لگی
20 جون ، 2020
کراچی میں بجلی کی غیر اعلانیہ لوڈشیڈنگ زور پکڑنے لگی اور شہر کے کئی علاقوں میں رات گئے بجلی کی فراہمی معطل رہی جب کہ شدید گرمی نے علاقہ مکینوں کی پریشانی میں مزید اضافہ کر دیا۔
کیماڑی بھٹہ ویلیج میں 3 گھنٹے غیر اعلانیہ بجلی کی فراہمی معطل رہی، شانتی نگر، میں بھی لوڈشیڈنگ فری علاقہ ہونے کے باوجود ایک گھنٹہ بجلی کی فراہمی معطل رہی۔
گارڈن کے علاقے میں بھی کئی گھنٹے سے بجلی کی فراہمی معطل ہے جب کہ لیاقت آباد سی ون ایریا میں رات 11 بجے سے بجلی کی فراہمی معطل ہے۔
علاقہ مکینوں کا کہنا ہے کہ گزشتہ 17 روز سے غیر اعلانیہ لوڈشیڈنگ کا سلسلہ جاری ہے، علاقے میں لوڈ شیڈنگ کا دورانیہ 3 گھنٹے کا ہے، تین گھنٹے کے بجائے 8 سے 10 گھنٹے کی لوڈ شیڈنگ کی جا رہی ہے، متعدد بار شکایتی مراکز پر شکایات بھی درج کرائی گئی ہیں۔
دوسری جانب ترجمان کے الیکٹرک کے مطابق گلزار ہجری ،ٹیچرز سوسائٹی، کیماڑی اور کنیز فاطمہ سمیت دیگر علاقوں میں بجلی بحال ہے جن علاقوں میں بجلی چوری کی شرح زیادہ ہے وہاں این پی پی کے تحت لوڈشیڈنگ کی جاتی ہے۔
ترجمان کے الیکٹرک نے کہا کی چوری کی وجہ سے بجلی کے انفرا اسٹرکچر کو بھی نقصان پہنچتا ہے اور ٹرپنگ میں اضافہ ہوتا ہے۔
ان کا کہنا ہے کہ تکنیکی یا علاقائی فالٹس کے باعث آنے والے تعطل کو فوری درست کیا جاتا ہے جب کہ علاقائی فالٹس کی درستگی کے لیے صارفین 118 سے فوری رابطہ کریں۔
مزید خبریں :
عمران خان نے بیرسٹر سیف کو اہم ٹاسک سونپ دیا
2 گھنٹے پہلے
کراچی میں کڑاکے کی سردی، شہری ٹھٹھر گئے
5 گھنٹے پہلے
