11 جولائی ، 2020 
کراچی: سیوریج کے پانی میں پولیو وائرس کے باعث خصوصی پولیو مہم چلانے کا فیصلہ
11 جولائی ، 2020
کراچی میں بڑھتے ہوئے پولیو کیسز اور سیوریج کے پانی میں پولیو وائرس کے باعث شہر میں خصوصی پولیو مہم چلانے کا فیصلہ کیا گیا ہے۔
محکمہ صحت سندھ کے حکام کے مطابق شہر میں 4 روزہ خصوصی پولیو مہم چلانے کا فیصلہ کیا گیا ہے جب کہ خصوصی پولیو مہم کا فیصلہ شہر میں سیوریج کے پانی کے نمونوں میں پولیو وائرس کی موجودگی پر کیا گیا۔
محکمہ صحت کے مطابق 4 روزہ خصوصی پولیو مہم 20 جولائی سے کراچی کے 2 اضلاع میں چلائی جائے گی جس میں ضلع وسطی اور غربی کی 22 سے زائد یونین کونسلوں کو شامل کیا جائے گا جب کہ مہم میں پولیو ورکرز کو ماسک، دستانے اور حفاظی لباس بھی فراہم کیا جائے گا۔
خصوصی پولیو مہم کی حتمی منظوری آج وزیراعلیٰ ہاؤس میں ہونے والے اجلاس کے بعد دی جائے گی۔
خیال رہے کہ کراچی سمیت صوبے بھر میں مارچ کے بعد سے پولیو کی مہم نہیں چلائی گئی جب کہ گزشتہ ہفتہ لانڈھی سے پولیو کا کیس بھی سامنے آچکا ہے۔
مزید خبریں :
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
