22 جولائی ، 2020 
پاکستان
فوٹو: فائل
خاتون سے تعلقات کے شبے میں جرگے میں ایک شخص پر تشدد
22 جولائی ، 2020
رحیم یار خان کے موضع نیل گڑھ میں غیرت کے نام پر ایک شخص پر جرگے میں تشدد کیا گیا اور سزا کی ویڈیو بھی بنائی گئی۔
پولیس کے مطابق خاتون سے تعلقات کے شبے میں مبینہ جرگہ ہوا جس کے فیصلے تک ملزم کو قید رکھا گیا۔
محض الزام کی بنیاد پر ایک شخص کو جرگے میں تشدد کا نشانہ بنایا گیا، اس کے سر کے بال، مونچھیں اور بھنویں مونڈھ دی گئیں جب کہ چہرے اور سر کو کالا کیا گیا، یہی نہیں بلکہ جرگے کے فیصلے کے تحت متاثرہ شخص کو سزا دینے کی ویڈیو بھی بنائی گئی۔
واقعے پر فریقین نے صلح کر لی ہے تاہم پولیس نے ویڈیو وائرل ہونے پر مقدمہ درج کرکے 2 ملزمان کو گرفتار کر لیا اور تحقیقات کا آغاز کر دیا ہے۔
