31 جولائی ، 2020 
ایف بی آر کو مالی سال کے پہلے ماہ کے مقر ر کردہ ہدف کے مقابلے میں 57 ارب کا اضافہ
31 جولائی ، 2020
اسلام آباد: فیڈرل بور ڈ آف ریونیو (ایف بی آر) نے مالی سال 21-2020 کے پہلے ماہ کے مقر ر کردہ ہدف 243 ارب کے مقابلے میں 57 ارب کے اضافہ کے ساتھ 300 ارب اکٹھا کر لیے۔
ایف بی آر نے ماہ جولائی کی حاصل کردہ ریونیو تفصیلات جاری کر دی ہیں جس کے مطابق مالی سال 21-2020 کے پہلے ماہ کے مقر ر کردہ ہدف 243 ارب کے مقابلے میں 57 ارب کے اضافہ کے ساتھ 300 ارب اکھٹے کیے گئے ہیں جو مقر رکردہ ریونیو ہدف کا 125 فیصد بنتے ہیں۔
ایف بی آر کے مطابق ہدف سے زائد اضافے میں ان لینڈ ریونیو کی طرف سے 52 ارب روپے اور کسٹمز کی طرف سے 5 ارب کا زائد اضافہ حاصل ہوا ہے جب کہ کسٹمز ڈیوٹی میں 25 ارب کا ریلیف بھی دیا گیا۔
ایف بی آر کا کہنا ہے کہ کاروباری کمیونیٹی کی کورونا وبا کے باعث معاشی مشکلات کو دور کرنے کے لیے ماہ جولائی میں ان لینڈ ریونیو کی مد میں 15 ارب روپے کے ریفنڈز جاری کیے گئے، سیلز ٹیکس ریفنڈز بھی مرکزی اور خودکار نظام کے تحت حکومت کے وعدے کے مطابق 72 گھنٹوں کے اندر جاری کیے جارہے ہیں۔
ان ریفنڈز کی بدولت برآمدکنندگان اور مختلف صنعتوں سے وابستہ کاروباری افراد کو لیکویڈیٹی جیسے مسائل سے نکلنےمیں بھی مدد ملے گی۔
مزید خبریں :
پاکستانی روپے کی قدر میں اضافہ، ڈالر مزید سستا ہوگیا
22 نومبر ، 2024
دفاعی نمائش آئیڈیاز میں غیر ملکی کمپنیوں سے معاہدے طے پاگئے
22 نومبر ، 2024
پاکستان اسٹاک میں 100 انڈیکس نئی بلند ترین سطح پرپہنچ گیا
22 نومبر ، 2024
روپے کے مقابلے میں ڈالر سستا ہوگیا
21 نومبر ، 2024
سونا مسلسل مہنگا، ایک بار پھر قیمت میں بڑا اضافہ
21 نومبر ، 2024
طیارہ سازی کی صنعت میں پاکستان ایک قدم مزید آگے
21 نومبر ، 2024
