31 جولائی ، 2020
پاکستان میں جاپان کے سفیر کونینوری متسودا نے اپنے ایک پیغام میں حکومت جاپان کی جانب سے پاکستانیوں اور حج زائرین کو عیدالاضحیٰ کی مبارکباد پیش کی۔
ان کا کہنا تھا کہ جاپان اور پاکستان کے تعلقات ہمیشہ خوشگوار اور دوستانہ رہے ہیں، سچے دوست کی حیثیت سے پاکستانی عوام کے لیے امن، ترقی اورخوشحالی کےخواہشمند ہیں۔
کونینوری متسودا نے کہا کہ جاپان پاکستان کے ساتھ مستقبل میں بھی باہمی تعاون جاری رکھے گا، پاکستان کی ہر خوشی اور غم میں جاپان ہمیشہ ساتھ دے گا۔
انہوں نے مزید کہا کہ چاہے کورونا وبا ہو، ٹڈی دل کا حملہ یا سیلاب، جاپان حکومت پاکستان کےساتھ ہے۔