ملک میں کورونا سے مزید 6 ہلاکتیں، 452 نئے کیسز رپورٹ

کورونا سے ہلاکتوں کی تعداد 5979 ہوگئی، نئے کیسز سامنے آنے کے بعد مریضوں کی تعداد 279951 تک جاپہنچی ہے

ملک میں کورونا سے مزید 6 افراد جاں بحق ہوگئے جس کے بعد ہلاکتوں کی تعداد 5979 ہوگئی جبکہ نئے کیسز سامنے آنے کے بعد مریضوں کی تعداد 279951 تک جاپہنچی ہے۔

اب تک پنجاب میں 2144 ، سندھ میں 2224 اور خیبر پختونخوا میں 1202 افراد جاں بحق ہو چکے ہیں جب کہ اسلام آباد میں 165، بلوچستان میں 136، آزاد کشمیر اور گلگت بلتستان میں 54، 54 افراد کا انتقال ہوا ہے۔

کُل ٹیسٹ: 2010170
صحتیاب مریض: 
248577 (کمانڈ اینڈ کنٹرول سینٹر کے مطابق)

آج کے کیسز کی صورت حال

اتوار کو ملک بھر سے کورونا کے 452 کیسز اور 6 اموات سامنے آئیں جن میں پنجاب سے  116 کیسز 2 ہلاکتیں، خیبرپختونخوا سے 2 ہلاکتیں اور 63 کیسز جب کہ سندھ سے ایک ہلاکت اور 177 کیسز ، گلگت سے 52 کیسز  اور ایک ہلاکت رپورٹ ہوئی۔ 

اس کے علاوہ اسلام آباد 19 کیسز ، بلوچستان سے 12 اور آزاد کشمیر سے 13 کیسز رپورٹ ہوئے ہیں۔

پنجاب

پنجاب سے آج کورونا کے 116 کیسز اور 2 ہلاکتیں رپورٹ ہوئی ہیں جن کی تصدیق پی ڈی ایم اے کی جانب سے کی گئی ہے۔

صوبائی ڈیزاسٹر مینجمنٹ اتھارٹی کے مطابق پنجاب میں کورونا کے مریضوں کی کُل تعداد 93173 اور ہلاکتیں 2144 ہو چکی ہیں۔

صوبے میں اب تک کورونا کے 82552 مریض صحتیاب بھی ہوچکے ہیں۔

اسلام آباد

وفاقی دارالحکومت سے آج کورونا کے مزید 19 کیسز سامنے آئے ہیں جس کی تصدیق نیشنل کمانڈ اینڈ آپریشن سینٹر کی جانب سے کی گئی ہے۔

این سی او سی کے مطابق وفاقی دارالحکومت میں کیسز کی مجموعی تعداد 15052 ہوگئی ہے۔

اسلام آباد میں اب تک کورونا سے 165 افراد جاں بحق ہوچکے ہیں۔

گلگت بلتستان

گلگت بلتستان سے آج کورونا کے مزید 52 کیسز اور ایک ہلاکت سامنے آئی ہے۔

این سی او سی کے مطابق گلگت میں کورونا کے مریضوں کی کل تعداد 2157 اور اموات کی تعداد 54 ہے۔

آزاد کشمیر

آزاد کشمیر سے آج کورونا کے 13 کیسز رپورٹ ہوئے ہیں۔

این سی او سی کے مطابق آزاد کشمیر میں اب تک مجموعی طور پر 2086 افراد میں کورونا وائرس کی تصدیق ہوچکی ہے جب کہ وہاں اموات کی تعداد 54 ہے۔

سندھ

اتوار کو سندھ میں کورونا کے باعث مزید ایک شخص جان کی بازی ہار گیا جس کے بعد صوبے میں ہلاکتوں کی تعداد2224 ہوگئی۔

وزیراعلیٰ سندھ مراد علی شاہ نے بتایاکہ گزشتہ 24 گھنٹوں کے دوران مزید 177 فراد میں مہلک وائرس کی تشخیص ہوئی ہے جس کے بعد صوبے میں متاثرہ مریضوں کی تعداد 121486 تک جاپہنچی ہے۔

صوبے میں اب تک 111006 مریض صحتیاب ہوچکے ہیں۔

بلوچستان

بلوچستان میں اتوارکو کورونا کے مزید 12 کیسز سامنے آئے جس کے بعد متاثرہ مریضوں کی تعداد 11774 ہوگئی جب کہ اب تک مہلک وائرس کے باعث 136 افراد جاں بحق ہو چکے ہیں۔

اس کے علاوہ بلوچستان میں اب تک کورونا سے 10189 مریض صحتیاب بھی ہوچکے ہیں۔

خیبرپختونخوا

خیبر پختونخوا میں اتوار کو کورونا کے باعث مزید 2 افراد جاں بحق ہوگئے  جس کے بعد صوبے میں ہلاکتوں کی تعداد 1202 ہوگئی۔

صوبائی محکمہ صحت کے مطابق گزشتہ 24 گھنٹوں کے دوران مزید 63 نئے کیسز رپورٹ ہوئے جس کے بعد متاثرہ مریضوں کی تعداد 34223 جا پہنچی ہے۔ 

کے پی میں اب تک 29015 افراد کورونا وائرس سے صحتیاب بھی ہو چکے ہیں۔

دنیا بھر میں کورونا کیسز کی صورتحال