Can't connect right now! retry

پاکستان
02 اگست ، 2020

عثمان بزدار لاہور میں بارش کا پانی جمع ہونے پر برہم

لاہور: وزیراعلیٰ پنجاب عثمان بزدار نے لاہور میں بارش کا پانی کھڑا ہونے پر برہمی کا اظہار کیا۔

وزیراعلیٰ پنجاب نے بارش کا پانی نکالنے کے لیے پیشگی اقدامات نہ کرنے پر رپورٹ طلب کرلی اور واسا حکام کو فوری نکاسی کا بھی حکم دیا۔

عثمان بزدار کا کہنا تھا کہ بارش کا پانی کھڑا ہونے سے رہائشیوں کو مشکلات کا سامنا ہے، متعلقہ حکام کی بے خبری افسوسناک ہے۔

اس کے علاوہ وزیراعلیٰ نے عید کے دوسرے روز بھی صفائی آپریشن مؤثر انداز سے جاری رکھنے کی ہدایت کرتے ہوئے کہا کہ صفائی آپریشن پر مامور گاڑیاں گلیوں ،سڑکوں اور محلوں کا گشت کریں، شہروں کی صفائی کیلئے تمام ممکنہ وسائل فراہم کیے گئے ہیں۔

انہوں نے کہا کہ صفائی پر کوئی سمجھوتہ نہیں کیا جائے گا اور  کہیں سے شکایت آئی تو عملے کے خلاف تادیبی کارروائی ہوگی،ماحول کو صاف ستھرا رکھنا سب کی مشترکہ ذمہ داری ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM