Can't connect right now! retry

پاکستان
02 اگست ، 2020

’عید پر ایس او پیز پر عمل نہ ہونے سےکورونا کیسز بڑھنے کا اندیشہ ہے‘

فائل فوٹو: ناصر شاہ

سکھر: وزیر اطلاعات سندھ ناصر شاہ نے کہا ہےکہ عید پر ایس او پیز پر عمل نہیں ہوا جس سے کورونا کیسز بڑھنے کا اندیشہ ہے۔

سکھر میں میڈیا سے گفتگو کرتے ہوئے ناصر شاہ نے کہا کہ کراچی شہرکے ہرکونے سے آلائشیں اٹھانے کو یقینی بنایا جائے، ایس ایس ڈبلیو ایم اے صبح سے اچھا کام کررہی اور ڈی ایم سیز اپنے علاقوں میں آلائشیں اٹھانے کے بعد اسپرے کریں اور جراثیم کش پاؤڈر چھڑکیں۔

ناصر شاہ نے کہا کہ کراچی والوں کا حافطہ کمزور نہیں، پہلے تھوڑی سی بارش پر سڑکیں بند ہوجاتی تھیں اور اب کراچی میں کام ہوا ہے جو سندھ حکومت نے کیا ہے، بارش میں کراچی میں کچھ علاقے زیر آب آئے، 2 گھنٹے بعد پانی نکلنا شروع ہوگیا تھا، دو تین اور علاقے ہیں جہاں پانی کی نکاسی کا مسئلہ آتا ہے۔

ان کا کہنا تھا کہ 5 سے 11 اگست تک موسلا دھار بارشوں کی پیش گوئی کی گئی ہے جس کی وجہ سے نالوں کی صفائی کیلئے پورے سندھ میں کمشنرزکو فنڈز بھیجے گئے ہیں۔

وزیر اطلاعات نے کہا کہ کورونا ابھی آیا ہے اور پولیو سالوں سے چلتا آرہا ہے اس کے باوجود مہم چلانی پڑتی ہے، عید پر ایس او پیز پر عمل نہیں ہوا، اندیشہ ہے دوبارہ کیسز بڑھیں گے، وفاقی حکومت کی نااہلی ہر فیلڈ میں سامنے آچکی ہے۔

وزیر اطلاعات کا کہنا تھا کہ کورونا ابھی ختم نہیں ہوا، صرف ٹیسٹ کم ہوئے ہیں اور ٹیسٹ کم کرکے صرف مشتبہ مریضوں کےٹیسٹ لیے جارہے ہیں، وفاقی حکومت سے بات چل رہی ہے. این سی او سی سے رابطے میں ہیں، دعا ہے کورونا کا خاتمہ ہو معمولات زندگی دوبارہ بحال ہوں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM