15 اگست ، 2020 
بھارت میں ایک ہی روز کورونا کے 65 ہزار مریض، دنیا میں 2 کروڑ سے زائد افراد متاثر
15 اگست ، 2020
بھارت میں کورونا وائرس کے مزید 65 ہزار سے زائد مریض سامنے آنے کے بعد کورونا مریضوں کی تعداد 25 لاکھ 25 ہزار سے تجاوز کر گئی ہے جب کہ ایک ہی دن میں مزید 990 ہلاکتیں بھی سامنے آئی ہیں۔
دوسری جانب امریکا میں کورونا کے مزید 60 ہزار مریض سامنے آ گئے جب کہ ایک ہی دن میں 1100 افراد ہلاک ہوئے جس کے بعد وہاں مرنے والوں کی تعداد ایک لاکھ 71 ہزار سے زائد ہو گئی ہے۔
ادھر برازیل میں جمعے کو کورونا وائرس سے 1000 افراد ہلاک جب کہ 49 ہزار نئے مریض سامنے آئے ہیں۔
میکسیکو اور پرو میں بھی کورونا وائرس سے متاثرہ مریضوں کی تعداد پانچ پانچ لاکھ سے تجاوز کر گئی ہے جب کہ ارجنٹائن میں بھی صورت حال خراب ہونے لگی ہے۔
دنیا بھر میں کورونا وائرس سے متاثرہ مریضوں کی تعداد 2 کروڑ 13 لاکھ 35 ہزار سے زائد ہو چکی ہے جن میں سے ایک کروڑ 41 لاکھ 25 ہزار سے زائد صحتیاب ہو چکے ہیں، 7 لاکھ 60 ہزار سے زائد افراد جان کی بازی ہار بھی چکے ہیں۔
مزید خبریں :
ایک اورکشمیری نژاد پاکستانی برطانیہ میں لارڈ بن گیا
6 گھنٹے پہلے
اسرائیل نے اسماعیل ہنیہ کو شہید کرنے کا اعتراف کرلیا
10 گھنٹے پہلے
جو بائیڈن نے 37 قیدیوں کی سزائے موت عمر قید میں تبدیل کر دی
24 دسمبر ، 2024
