23 اگست ، 2020
وفاقی وزارت تجارت نے نئی تجارتی پالیسی کے لیے وزیراعظم آفس سے پھر مزید وقت مانگ لیا ہے۔
ذرائع کے مطابق وزارت تجارت نے وزیراعظم آفس کو ستمبر کے پہلے ہفتے نئی تجارتی پالیسی کابینہ میں پیش کرنے کی یقین دہانی کرائی ہے۔
واضح رہے کہ آخری تجارتی پالیسی 2015ء میں متعارف کرائی گئی تھی اس کے بعد سے نئی تجارتی پالیسی نہیں لائی جاسکی ہے۔
وزیراعظم عمران خان نے گذشتہ جون میں نئی تجارتی پالیسی میں تاخیر کا نوٹس لے لیتے ہوئے وزارت تجارت کو پالیسی جون کے آخر تک منظوری کے لیے پیش کرنے کی ہدایت کی تھی۔