پی ٹی اے کا یوٹیوب سے غیر اخلاقی اور نفرت انگیز مواد بلاک کرنے کا مطالبہ

پاکستان ٹیلی کمیونیکیشن اتھارٹی نے یوٹیوب سے ایک بار پھر غیر اخلاقی، فحش، نفرت انگیز اور نقصان دہ آن لائن مواد بلاک کرنے کا مطالبہ کردیا۔

پی ٹی اے نے یوٹیوب کو ہدایت کی ہے کہ وہ غیر قانونی اور نقصان دہ آن لائن مواد کو ہٹانے کیلئے پی ٹی اے کی درخواستوں پر فوری عمل کیلئے مواد کی مانیٹرنگ اور ماڈریشن کے لیے مؤثر طریقہ کار وضع کرے۔

پی ٹی اے حکام کاکہنا ہےکہ پی ٹی اے پاکستان کی ڈیجیٹل مارکیٹ میں مقامی قوانین، معاشرتی اقدار اور یو ٹیوب کے اپنے معیارات کے مطابق ترقی کیلئے، یوٹیوب کو سہولیات کی فراہمی اور تعاون کے لئے پرعزم ہے۔