Can't connect right now! retry

کھیل
03 ستمبر ، 2020

نیمار سمیت 3 بڑے فٹبالرز کو کورونا ہوگیا

 نیمار— رائٹرز فوٹو 

برازیل کے معروف فٹبالر نیمار بھی کورونا وائرس کا شکار ہو گئے ہیں۔

فرانسیسی خبر رساں ادارے اے ایف پی نے اپنے ذرائع کے حوالے سے بتایا ہے کہ فٹبال کلب پیرس سینٹ جرمین سے منسلک برازیلین فٹبال اسٹار نیمار اور دیگر دو کھلاڑیوں کا کورونا ٹیسٹ مثبت آیا ہے۔

کلب نے اپنے بیان میں کھلاڑیوں کے نام تو ظاہر نہیں کیے لیکن تصدیق کی ہے کہ تین کھلاڑیوں کے ٹیسٹ مثبت آئے ہیں جس کے بعد تمام تر ضروری اقدامات اٹھائے جائیں گے۔

کلب کے مطابق تمام کھلاڑیوں اور کوچنگ عملے کے ٹیسٹ کا سلسلہ جاری رہے گا۔

اے ایف پی کا کہنا ہے کہ جب انہوں نے کھلاڑیوں کے ناموں کے حوالے سے کلب سے رابطہ کیا تو انہوں نے نام ظاہر کرنے سے انکار کر دیا تاہم ذرائع نے نیمار، اینجل ڈی ماریا، لینڈرو پریڈس کے کورونا میں مبتلا ہونے کی تصدیق کی ہے۔

یاد رہے کہ مذکورہ تینوں کھلاڑی چیمپئن لیگز کے فائنل میں شکست کے بعد ہسپانوی جزیرے ایبیزا پر چھٹیاں منانے گئے تھے جہاں وہ دوستوں اور رشتہ داروں کی پارٹیوں میں شریک ہوئے۔ اس لیے خدشہ ظاہر کیا جا رہا ہے کہ تینوں کھلاڑی وہیں سے کورونا وائرس میں مبتلا ہوئے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM