11 ستمبر ، 2020
لاہور تا سیالکوٹ موٹر وے پر پولیس اہلکاروں کو تعینات کرنے کے لیے سیکرٹری مواصلات کو خط لکھے جانے کا انکشاف ہوا ہے۔
اس بات کا انکشاف ہوا ہے کہ 28 جولائی کو سابق آئی جی پنجاب نے سیکرٹری مواصلات کو خط لکھا جس میں موٹر وے پر پولیس اہلکار تعینات کرنے کا کہا گیا۔
سابق آئی جی پنجاب کی جانب سے سیکرٹری مواصلات کو لکھے گئے خط میں لکھا گیا ہمارے پاس وسائل نہیں ہیں لہذا موٹر وے پر پولیس اہلکاروں کو تعینات کیا جائے۔
خط میں مرید کے اور ساہیو وال میں موٹر وے پولیس کو ملازمین کے سب دفتر بنانے کا بھی کہا گیا تھا۔
خیال رہے کہ دو روز قبل لاہور سے بذریعہ موٹر وے گوجرانوالہ جاتے ہوئے گجرپورہ کے مقام پر خاتون کے ساتھ زیادتی کا اندوہناک کیس پیش آیا تھا۔