23 ستمبر ، 2020
دنیا بھر میں متعدد فیشن برانڈز ہیں جن کی مصنوعات کی قیمتیں آسمانوں سے باتیں کر رہی ہوتی ہیں لیکن آج ہم آپ کو ایک ایسی جینز دکھانے والے ہیں جس کی قیمت جان کر آپ کے ہوش اُڑ جائیں گے۔
سوشل میڈیا پر ایک معروف اطالوی برانڈ گوچی کی جینز کی قیمت کے چرچے ہو رہے ہیں جو کہ دکھنے میں ایسی لگ رہی ہے کہ اس پر گھاس سے داغ لگا ہو۔
یہ جینز گوچی کی فال (خزاں) کلیکشن 2020 میں پیش کی گئی ہے جس کے 2 ڈیزائن ہیں اور ان میں سے ایک کی قیمت 765 ڈالر (پاکستانی تقریباً ایک لاکھ 27 ہزار) جب کہ دوسرے ڈیزائن کی جینز کی قیمت 1400 ڈالر (پاکستانی تقریباً 2 لاکھ 34 ہزار) ہے۔
گوچی کے مطابق فال کلیکشن 2020 کی یہ جینز اورگینک کاٹن (Organic Cotton) سے تیار کی گئی ہے۔
سوشل میڈیا پر یہ جینز زیرِ بحث موضوع بنا ہوا ہے اور لوگوں کا ماننا ہے کہ وہ ایک ایسی جینز (جس پر گھاس کے داغ ہیں) کو اتنی زیادہ قیمت پر کیوں خریدیں؟ جب کہ ایک صارف کا کہنا تھا کہ اس طرح کی جینز میں اپنے گارڈن میں جا کر مفت میں خود کرلوں۔
کیا آپ اس جینز کو خریدنا پسند کریں گے؟