25 ستمبر ، 2020 
خوبصورت اور چمکدار جلد کیلئے بے حد آسان اور سستا ٹوٹکا
25 ستمبر ، 2020
جلد کو خوبصورت بنانے کے لیے ہم طرح طرح کی چیزوں کا استعمال کرتے ہیں لیکن آج ہم آپ کو چمکدار اور صحت مند جلد کے لیے ایک آسان اور سستا ٹوٹکا بتانے والے ہیں۔
جلد کو صحت مند اور خوبصورت بنانے کے لیے بھاپ لینا سب سے آسان اور سستا حل ہے جس کے لیے آپ کو کوئی بھی چیز خریدنی نہیں پڑے گی۔
جلد کو تروتازہ اور ملائم رکھنے کے لیے ہفتے میں ایک مرتبہ بھاپ لینے کے بے شمار مثبت نتائج سامنے آتے ہیں، بھاپ لینے سے چہرے پر موجود بلڈ ویزلز (رگوں) میں خون کی روانی بہتر ہوتی ہے جس کی وجہ سے جلد میں آکسیجن کی مقدار صحیح طریقے سے پہنچتی ہے۔
بھاپ لینے کی وجہ سے جب آپ کی جلد میں خون کی روانی بہتر ہوجاتی ہے تو اس سے جلد میں کولیجن پیدا ہوتا ہے جو کہ جلد کو جَلد مرجھانے سے پچاتا ہے۔
دوسری جانب بھاپ لینے سے چہرے پر موجود پورس بھی صاف ستھرے ہوجاتے ہیں جس کی وجہ سے جلد نرم وملائم اور چمکدار نظر آنے لگتی ہے۔
ماہرین جِلد کا کہنا ہے کہ اگر آپ ضرورت سے زیادہ بھاپ لیں گے تو اس سے آپ کا چہرا خشک ہو سکتا ہے اس لیے ہفتے میں ایک بار بھاپ لینا بہتر ہے جب کہ چہرے پر 7 سے 8 منٹ سے زیادہ بھاپ لینے سے گریز کریں۔
مزید خبریں :
جسم میں وٹامن ڈی کی کمی کا اشارہ دینے والی 7 نشانیاں
25 دسمبر ، 2024
سائنسدان انسانی خیالات کی حیران کن رفتار کا تعین کرنے میں کامیاب
25 دسمبر ، 2024
خراٹوں کا علاج کرنے والی پہلی دوا کی منظوری دیدی گئی
24 دسمبر ، 2024
ہڈیوں کو کمزور بنا دینے والی عام غلطیاں جو بیشتر افراد کرتے ہیں
22 دسمبر ، 2024
کیا زیادہ پانی پینے سے صحت کو فائدہ ہوتا ہے؟
22 دسمبر ، 2024
چینی سائنسدانوں کی اہم پیشرفت، بڑھاپا ماضی کا قصہ بننے کے قریب
22 دسمبر ، 2024
