26 ستمبر ، 2020
پاکستان شوبز انڈسٹری کے معروف اداکار ہمایوں سعید کے بھائی اداکارہ سلمان سعید گزشتہ روز رشتہ ازدواج میں منسلک ہو گئے۔
اداکار سلمان سعید کی شادی کی تقریب لاہور میں منعقد ہوئی جس میں شوبز انڈسٹری سے تعلق رکھنے والی متعدد شخصیات نے بھی شرکت کی۔
ہمایوں سعید کے چھوٹے بھائی سلمان سعید کی شادی کی تصاویر سوشل میڈیا پر خوب وائرل ہو رہی ہیں اور ان کے مداحوں کی جانب سے نوبیاہتا جوڑے کے لیے نیک خواہشات کا اظہار کیا جا رہا ہے۔
خیال رہے کہ اداکار ہمایوں سعید کے چھوٹے بھائی سلمان سعید بھی شوبز انڈسٹری سے وابستہ ہیں اور یہ متعدد ڈراموں میں اداکاری کے جوہر دکھا چکے ہیں۔