صدارتی مباحثہ ٹرمپ اور جوبائیڈن کے درمیان گالم گلوچ تک جا پہنچا

امریکا میں نومبر میں ہونے والے صدارتی انتخاب کے لیے پہلے صدارتی مبا حثے میں ایک دوسرے کو نیچا دکھانے کے لیے ٹرمپ اور جوبائیڈن نے گالم گلوچ اور طوفان بدتمیزی مچاکر ساری حدیں پار کردیں۔

صدارتی مباحثے کے دوران امریکی صدر ٹرمپ اور حریف جو بائیڈن نے ایک دوسرے پرالزامات کی بوچھاڑ کر دی اور اس دوران  جو بائیڈن نے ٹرمپ کو شٹ اپ کال دیدی ۔

 ٹرمپ نے بائیڈن کو ماضی یاد دلا کر جھڑک دیا اور کہاکہ شاید انتخابی نتائج آنے میں کئی ماہ لگ جائیں اس پر  جوبائیڈن نے کہاکہ وہ نتائج تسلیم کر لیں گے لیکن ٹرمپ نے سوال کا جواب نہیں دیا۔

امریکی صدارتی امیدوار جو بائیڈن نے کہاکہ ہرشخص جانتا ہےٹرمپ جھوٹےہیں، وہ ٹرمپ صحت سے متعلق مسائل پر جھوٹ بولتے رہے، ان کے پاس ہیلتھ کیئر سے متعلق کوئی پلان نہیں، ٹرمپ کو معلوم ہی نہیں ہوتا وہ کیا بات کررہے ہیں۔

جوبائیڈرن نے کورونا وبا سے اموات اور کیسز میں اضافے کا ذمے دار ٹرمپ کو قرار دیتے ہوئے کہا کہ ٹرمپ نے اسکول ٹیچر سے بھی کم ٹیکس دیا۔

جوبائیڈن نے ٹرمپ کو مسخرا، نسل پرست اور روسی صدر کی کٹھ پتلی کہتے ہوئے امریکا کا بدترین صدر بھی قرار دیا۔